Scopus-та ғылыми мақаланы рәсімдеуге қойылатын негізгі талаптар

Facebook Twitter Telegram E-mail

Scopus деректер базасында индекстелуге үміткер болатын ғылыми журнал оның талаптарына сәйкес болуы тиіс, олардың бірі зерттеу контентінің жоғары сапасы мен оның рәсімделуі болып табылады. Ғылыми жұмысты жариялауға дайындау алгоритмін егжей-тегжейлі қарастырайық.

Scopus-та ғылыми мақаланы рәсімдеуге қойылатын негізгі талаптар

Мақалада міндетті түрде не белгіленуі тиіс?

Өзектілігі Ғылыми стиль Бірегейлігі Проблематикасы
Ғылыми жұмыста осы идеяны әзірлеу қажеттілігін анықтау, басты мәселелер мен оларды шешу тәсілдерін ашу маңызды. Осы тақырыпты тәжірибеде дамытудың перспективалық бағыттарын талдау және сипаттау қажет Мақала - зерттеудің мәнің логикалық, нақты және объективті баяндау. Мәтінде синонимдер мен сөйлеу лексикасы аз болуы керек. Бағалау тек автор бірдеңені түсіндірген кезде және бұл логикалық әрі рационалды байланыс болса ғана жүргізіледі   Ғылыми еңбек ерекше болып, бұрын журналдарда жарияланбаған, жаңа идеялар мен құнды нәтижелерді қамтуы керек. Басқа көздерден барлық пайдаланылған материалдар сілтемелерге рәсімделуі тиіс, ал атаулары библиографияда жазылуы тиіс. Бүгінгі таңда өзекті әдебиетті таңдау қажет Мақала деректер мен статистиканы пайдаланып, белгілі бір мәселеге түрлі ғалымдардың көзқарасын көрсетіп, бұл мәселені шешуі  тиіс. Және де қорытынды жасап, ұсыныстар беру мен зерттеудегі алдағы бағыттар туралы айту маңызды

Ғылыми мақаланы рәсімдеу бойынша техникалық ұсынымдар

  1. Мүмкіндігінше мақаланың мәтіні мен міндетті түрде оның аннотациясы олармен көбірек ғалымдар таныса алатындай үшін, академиялық ағылшын тіліне аударылуы тиіс.
  2. Мақаланың бірегейлігі кемінде 85%. Әрбір жұмыс рецензиялауға берілген кезде антиплагиат жүйесінде міндетті тексеруден өтеді.
  3. Барлық графикалық материалдар форматталып, барынша мазмұнды болуы тиіс. Жұмыста барлық суреттер нөмірленген әрі жазулары болуы тиіс.
  4.  Қате болмау үшін автордың барлық деректерін дұрыс ресімдеу қажет.
  5. Жұмысты оңай табу үшін кілт сөздерді (5-10 сөз) дәл және сауатты таңдау маңызды.
  6. Библиография алфавиттік тәртіппен рәсімделеді. Ол соңғы 3 жылда жарияланған 20-дан кем емес көздерден тұруы тиіс. Шетелдік көздерден кем дегенде 15 болуы тиіс.

Мақала құрылымы

Ғылыми мақаланың құрылымы қандай болуы керек?

Көп жағдайда мақаланы халықаралық талаптарға – IMRAD форматына сәйкес рәсімдейді (кіріспе – Introduction; әдістер – Methods; нәтижелер – Results; талқылау – Discussion). Бұл мақаланы рәсімдеудің халықаралық құрылымының негізгі бөлімдері. Оның толық құрылымы қандай болуы керек екенін қарастырайық.

Атауы. Жұмыстың барлық мәнін атауына салу өте маңызды. Ол өзіне назар аударыту керек және аббревиатурасыз болуы тиіс (егер ол жалпыға белгілі болмаса). Ең алдымен, басқа ғалымдар өздеріне қажетті ақпаратты  мақаланың атауы бойынша іздейді.

Аннотация. Дұрыс жасалған аннотацияның арқасында зерттеушілер жұмыстың мағынасын түсініп, оған қызығушылық танытып, бүкіл мәтінді оқи алады.

Аннотация келесі мәселелерді ашуы тиіс: Эксперимент не үшін және қалай жүргізілді? Қорытындыда қандай нәтижелер алынды және олар ғылым үшін нені білдіреді?

Кіріспе. Бұл бөлім бірқатар сұрақтарға жауап беруі тиіс:

  • зерттеу саласында бүгінгі күнге дейін не жасалынды;
  • ғалымдар нені әлі білмейді;
  • бұл жұмыста не зерттеленеді.

Кіріспеде бос сөз болмауы керек әрі мақаланың негізгі мақсаты мен гипотезалары жазылуы тиіс.

Әдістер. Бұл бөлімде барлық бөлшектерді көрсете отырып, зерттеу барысын барынша дәл және сауатты сипаттау қажет. Сонда басқа ғалымдар сіздің сипаттауыңыз бойынша тәжірибені қайталай алады.

Нәтижелер. Схемалар мен кестелерді пайдалана отырып, барлық алынған нәтижелерді нақты жазу керек.

Талқылау. Бұл бөлімде ғалым алынған нәтижелерді осы немесе аралас тақырыптағы басқа ашылымдармен қалай өзара әрекеттесетінін түсіндіреді. Ол нәтижелерді практикада қолдануға бола ма, және осы жұмыстың кемшіліктері бар ме екенін нақтылайды.

Қорытынды. Мұнда жұмыстың барлық нәтижелері жазылады: мақсатқа қол жеткізілді ме, гипотеза дәлелденді ме. Нәтижелер әлемде қандай мәнді білдіреді және қандай сұрақтар әлі ашылмады?

Ғылыми мақаланы рәсімдеу - бұл өте күрделі және көп еңбекті талап ететін тапсырма. Рецензиялауға жұмыс бере отырып, ол бірнеше рет түзетуге қайтарылуы мүмкін екенін түсіну керек. Бұл жариялау процесін баяулатады. Сондықтан, егер ғалым оның жұмысы бастапқыда техникалық өлшемдер бойынша мақұлданғанын қаласа, оны кәсіпқойларға редактураға берген дұрыс.

Біздің компания «Научные публикации-Publ.Science» көптеген жылдар бойы  ғылыми-баспалық консалтинг саласында жұмыс істеп, Scopus, Web of Science және басқа да дерекқорларға кіретін журналдарда мақалаларды жариялауға көмектеседі. Сіз өз жұмысыңызды біздің мамандарға тапсыруыңызға болады, оның барынша жылдам мерзімде рецензиялаудан өтуіне кепілдік береміз.

Естеріңізге сала кетейік, жақында 2020 жылы Scopus-тан журналдарды алып тастау? туралы материал жарық көрді.

 

Беделді басылымда ғылыми мақала жариялауына дәл қазір тапсырыс беру

Сонымен қатар оқыңыз

X